Кој може да тргува ?

КОЈ МОЖЕ ДА ТРГУВА НА ОРГАНИЗИРАНИОТ ПАЗАР НА ЕЛЕКТРИЧНА ЕНЕРГИЈА?

Учеството на организираниот пазар на електрична енергија опфаќа оперативен ангажман во Системот(ите) за тргување и Системот за клиринг на МЕМО. Учесник на организираниот пазар на електрична енергија ќе учествува во тргувањето и клирингот на Организираниот пазар на електрична енергија по приемот на пазарот и по исполнувањето на сите услови во согласност со Правилата.

Предуслов за учество на организираниот пазар на електрична енергија е барателот претходно да биде регистриран во Регистарот на учесници на пазарот на електрична енергија и да има регулирано балансна одговорност во согласност со Правилата за пазар на електрична енергија и Правилата за балансирање не електроенергетскиот систем.
Постапката за регистрирање во Регистарот на учесници на пазарот на електрична енергија можете да ја најдете на следниот линк .

За детали, ве молиме контактирајте не на info@memo.mk .

КОИ СЕ НАШИТЕ ЧЛЕНОВИ

Листата на нешите учесници на организирниот пазар на електрична енергија се состои од широк спектар на компании вклучени во пазарот на електрична енергија на големо, без разлика дали се работи за домашни компании или странски подружници кои работат на македонскиот пазар на електрична енергија. Тие можат да бидат производители, трговци, снабдувачи или пак оператори како операторот на преносен систем или оператори на дистрибутивниот систем. Освен нив, може да учествуваат и крајните корисници кои се дел од Регистарот на учесници на пазарот на електрична енергија, каде што ќе набавуваат електрична енергија за свои потреби.