Ни претставува задоволство и официјално да посакаме добредојде на Електродистрибуција ДООЕЛ Скопје на македонскиот организиран пазар на електрична енергија во сегментот ден-однапред.
Прв ден за тргување на Електродистрибуција ДООЕЛ Скопје ќе биде 13.06.2023 година.
Електродистрибуција ДООЕЛ Скопје е компанија чија главна дејност е дистрибуција на електрична енергија во Република Македонија. Како дел од EVN групацијата, компанијата има значаен удел во осигурувањето на стабилно и сигурно снабдување со електрична енергија за своите корисници.
Целта на Електродистрибуција ДООЕЛ е да обезбеди непрекинато и квалитетно снабдување на своите корисници со електрична енергија. За да ги задоволи потребите на корисниците, компанијата инвестира во модернизација и развој на својата инфраструктура, вклучувајќи ја изградбата и одржувањето на електричната мрежа, со што значително се намалија техничките загуби во системот и со тоа се подобри неговата енергетска ефикасност.
Електродистрибуција ДООЕЛ го следи развојот на технологиите и иновациите во областа на енергетиката, со цел да ги подобри перформансите и да ги задоволи потребите на своите корисници. Со континуирано надградување на своите системи и услуги, компанијата се стреми да оствари највисоки стандарди на квалитет и безбедност во снабдувањето со електрична енергија. Инвестициите и мерките за подобра организација на компанијата дадоа свој резултат и придонесоа кон посигурно снабдување, намалување на загубите и зголемено ниво на задоволство кај корисниците.
Со придружувањето на Електродистрибуција ДООЕЛ Скопје, пазарот ден-однапред брои 24 учесници.
Голема благодарност до сите за нивната доверба.
W
